طورطة باردة ورائعة بالحامض

هاد الطورطة كتجي زوييينة وفنفس الوقت ساهلة بالنسبة 

لي كيعجبها الحامض هدي طورطة مثالية من الاخت صفاء 

مقادير طورطة باردة ورائعة بالحامض

بالنسبة للطبقة الاولى

200غ البسكوي

80غ الزبدة مدوبة

الطبقة الثانية

حامضة

2 بياض البيض

200 مل القشدة الطرية

50 مل ديال الماء

60 غ السكر

4 اوراق الجيلاتين

الطبقة الثالثة

عصير حامضة

3 م ك ديال سنيدة

2 اوراق الجيلاتين

نقيطات من الملون الاصفر

طريقة تحضير طورطة باردة ورائعة بالحامض

اول حاجة كنطحنو البسكوي و نخلطوه هو و الزبدة و الى شفتو العجين مزال ما تجمعش زيدو نقيطات ديال الحليب ما تكتروش وتاخدي المول لي كيتفتح منجناب و ديري فيه الخليط وسرحيه بمساعدة معيلقة او سباتول و ديري المول فثلاجة بينما حضرتي موس الحامض

حكي قشرة الحامضة و من بعد عصريها 

ديري وريقات الجيلاتين يترطبو فالما عادي و خودي كسرونة

ديري فيها الماء مع السكر حتى يسخنو مزيان

 زوليه من فوق

البوطة و زيدي عليه الجيلاتين ملي يدوبو زيدي

 عليهم قشرة الحامض

و العصير المتبقي و خليهم على جنب يبردو بينما حضرتي لكريم شونتييه 

بالنسبة لشونتييه خودي لكريم فريش تكون باردة مزيان 

و طربيها 

 حتى تولي كريم شونتييه من بعد زيدي عليها 

خليط الحامض مع الجيلاتين و خلطي حتى تندمج العناصر

اما بياض البيض ضربيه حتى يولي عامل فحال الثلج و زيديه 

على الشونتييه لي خلطتيها مع الحامض و الجيلاتين 

رجعي خلطي كلشي بالضراب غير شوية ماشي بزاف 

خرجي المول من الثلاجة و ضيفي عليه الخليط رجعي دخليه

لثلاجة مدة 3 ساعات على الاقل المهم حتى يتجمد مزيان غير فالثلاجة الفوق ماشي فالمجمد 

هدي من بعد ما تجمدات و شدات راسها 

رطبي 2 وريقات الجيلاتين فالماء و فكسرونة ديري عصير حامضة مع السكر و ديريهم فوق البوطة على نار مهيلة حتى يذوب السكر الى ما كانش في الحامضة الماء بزاف ممكن تزيدي شويش ديال الماء من البعد ما دوب سنيدة زوليه من فوق البوطة و زيدي عليه الجيلاتين و نقيطات من الملون الاصفر و خليه حتى يبرد عاد زيديه على الموس و دخليه لثلاجة مرة اخرى على الاقل 4 ساعات و مثلا الى صوبتيها اليوم و خليتيها حتى الغد غدي تكون النتيجة افضل و زينيها باش ما بغيتي

هاهي طورطة باردة ورائعة بالحامض واجدة 

بالصحة والراحة