طرطة نسلي

طرطة نسلي
بسم الله الرحمن الرحيم السلام عليكم و رحمة الله و بركاته المقادير و الطريقة الجينواز بيضات 4نخدموهم في الطراب الكهربائي مع 125غرام السكر و 2فاني جيدا لمدة تقريبا 10 دقايق نضيف ربع كاس ديال العنبة زيت و نواصلوا التطراب و في الاخير نضيف 125غ دقيق مغربل شوية بشوية مع الخلط من الاسفل الى الاعلى نعملوا الجينواز في مول اللي كيتهز من التحت مدهون جيدا بالزبدة و الدقيق ثم الى الفرن لما تطيب نخليوها تبرد جيدا نحضروا السيرو اللي غادي نسقيوا بيه الجينواز كاس صغير سكر و 2 كسان صغار ماء فوق النار نخليوه يغلى واحد 5 دقايق ثم نضيفوا ليه قطرة نكهةالحامض و شوية عصير الحامض و نخليوه يبرد جانبا كريمة نسلي كاس كبير كريمة الخفق نطربوها جيدا حتى تطلع نضيفوا ليها علبة نسلي دائما مع الخفق و في الاخير نضيف كاس ديال العنبة عصير الحامض و نطربوا الكل حتى نحصلوا على كريمة ناخدوا الجينواز و نحاولوا نضغطوا عليها بيدينا باش تهبط و نتكوها بالفورشيط و نسقيوها مزيااان بالسيرو ثم نضيف الكريمة و نبسطوها فوق الجينواز بشكل متساوي ثم الى الثلاجة حتى تبرد جيدا عند التقديم نحكوا عليها قشور الحاض و الكريم شانتيي في الجناب هدا الطرطة معروفة تبارك الله الكل كيحضرها و هادي طريقتي كنفضلها بالجينواز كتجي فازكة و عزااالة مع الكريمة عوض البيسكوي مطحون بالصحة و الراحة في امان الله