طارط سهلة واقتصادية وسريعة التحضير

       
       مقادير طارط سهلة واقتصادية وسريعة                     

3بيضات

كاس سنيدة

كاس ماعامرش زيت

دانون فاني

2خمارات

قشور حامضة محكوكة

الطحين عينك ميزانك والعبار بكاس العنبة

طريقة تحضير طارط سهلة واقتصادية وسريعة التحضير
كنخلطو بحال الكيك العادي ونخويه فالمول اللي كيتحل من الجناب من الاحسن

مقادير السيرو

كاس سنيدة كاس الماء ساشي فاني عصير نص حامضة

 ونحطوه يغلى بما وجدت الكيكة

هاهي ملي خرجات من الفران كنتقبها مزيان بالفورشيط ونسقيها مزيان بالسيرو

نخليوها تبرد 

مقادير الكريم باتسيير
نص لتر حليب 2معالق ك كريم باتسيير 4معالق ك سنيدة فلان الحامض

نحطو فوق البوطة ردو معاه البال را دغيا كيعقد 
كنخويه بخفة فوق الكيكة

  للتزيين
كنحتاجو لشريحة من الاناناس المعلب شوية الفريز مقطع بشكل طولي
2كيويات مقطعين دوائر حبة حب الملوك معسل والناباج لاعطاء اللمعان
طبعا كل وحدة تستعمل اللي موجود فالبيت

كنستف الفواكه بشكل فني وندوز الناباج من الفوق وندخلها للثلاجة تبرد راها دغيا كتشد راسها وكتجي منسمة مزيان بمذاق الحامض 

هاهي طارط سهلة واقتصادية وسريعة التحضير

                                              بالصحة والراحة